30.mai 1979 hadde Bøfjord Redningsforening 25 – års jubileum, og då vart markeringa og basaren opna med denne prologen. Her får lesaren eit tidsbilete frå dagar då dugnadsånda og gagnleg arbeid for dei som trong det, var sjølvsagt; nokre ytte innsatsen sin her, andre der, og samla ytte desse foreiningskvinnene eit storverk.

Det gjekk 60 år frå Colin Archer i 1894 berga 37 menneskeliv i orkan på Finmarkskysten til Redingsselskapet fekk ei lokalforening i Bøfjorden – dei kom seint, men dei kom godt ! Og som moderselskapet, vart også redningsforeninga her eit tiltak alle tykte om. Innsatsen kan ikkje verdsetjast nok, for sjølv om farkostane våre i dag er som skip som ikkje kan søkkje, redda Redningsselskapet i 2001 40 menneske frå å omkoma.