I Sørbøvågområdet ragar Torgeirsletta høgast mellom dei vanlege fjelltrimpostane når det gjeld høgd over havet, heile 523 meter. Fjelltoppen er som namnet fortel, ingen typisk topp, men ei avrunda grasgrodd slette. Like forbi går den gamle kyrkjevegen mellom Skor og Øn så besøket på Torgeirsletta kan lett kombinerast med ei vandring på denne ruta.

Mellom Skor og Øn i Hyllestad kommune er det eigentleg ganske langt, men går du den gamle kyrkjevegen får du ein fantastisk tur du seint vil gløyme. Pakk deg ei skikkeleg niste og noko godt å drikke, og prøv denne vegen du også.