Like før ein kjem til Øvste Snauasetvatnet ligg det ein steinring like til venstre for stien, 1133 moh. Han er oppmura med ei til to steinraster. Ringen er ujamn og mest oval på form, 4-5m brei og 6-7m lang. Han ligg i ein liten skråning, terrenget er ujamnt og det er framleis mykje stein inne i ringen. Posisjonen er 32 v 0387636, 6765481 C

Inst i Smørbotn i Jordalen ligg det eit vatn før ein byrjar oppstigninga til skaret inst inne mot Styvisdalseggi. På nordsida av vatnet oppe i nokre små hamrar, ligg ei lita berghole.

Den grava ligg litt midt oppe på ryggen mellom Vassbotnvatnet og Rimstigen.

Dei fleste dyregravene i fjella rundt Fresvik er reinsgraver. Dei ligg som regel over 1000moh oppe på snaufjellet. Men det har også vore graver for hjortefangst.

På strekninga Varden -Styvisdalsvatni og opp til vatnet som Øvste Breivåi kjem frå ligg det ikkje mindre enn 14 dyregraver. I luftlinje utgjer dette knapt 2 km. Eit par av desse dyregravene er blitt undersøkte av professor Edvard K. Barth og me har difor ein del interessante opplysningar om dei.

14 dyregraver på ein kort strekning. Ved utløpet av Styvisdalsvatni ligg det tre dyregraver på eit lite område. Dei har tydelege beiemurar og sperrar eit lite skar som dyra må gjennom enten dei no kjem frå Huldabotn eller ovanfrå fjellet der dei andre gravene ligg.

Høgste punktet på den gamle stølsvegen mellom Breidalen og Bakka blir kalla Vardane. Ein må opp i ei høgd på ca 1350m, men vegen krokar seg fint opp den siste stigninga mot skaret. Det er tydeleg at han er lagd med omtanke for at bufarevegen skulle bli lettast mogeleg både for folk og beist.

Desse bileta er frå ein serie om dei mange dyregravene som finst i fjella rundt Fresvik. Vi vil på denne måten dokumentera dei ved hjelp av bilete og nøyaktig stadfesting på kartet ved hjelp av GPS.

Desse bileta er frå ein serie om dei mange dyregravene som finst i fjella rundt Fresvik. Vi vil på denne måten dokumentera dei ved hjelp av bilete og nøyaktig stadfesting på kartet ved hjelp av GPS.
Du kan sjå fleire artiklar om dyregraver.