Strandarve, fleirårig urt i nellikfamilien. 5–25 cm høg, glatt og kjøtfull med korsvis motsette blad og små, kvite blomstrar. I Norge er den vanlig på sandstrand ved sjøen heilt til Sør-Varanger.

På skotårsdagen 29.februar 2012 vart det for fyrste gong i Gloppen observert grønlandsmåke, til og med to stykke, i Bukta Fuglefredingsområde. Ser ut for at det er til dels mange nye arter som er innom kommunen denne vinteren.

Stor Flamingo er ein av dei seks artane i flamingofamilien. Du vil ganske sikkert ikkje møte på fuglen i Gloppen eller elles i landet, men om du er på ferie i anten Afrika, Sør-Europa, India eller Sørvest-Asia, kan det hende du får auge på den selskaplege vadefuglen.

I Norge er stylteløpar ein sjeldan gjest. Når vi veit at denne fuglen held seg litt i same områda som avosetten, kan det vel tenkjast at han og, som avosetten, kan vere gjest i Gloppen ein gong. Fuglen hekkar i Sør-Europa og i Asia.

Kanadagåsa har i fleire år hekka i Gloppen. I fjor var det to par som hadde reir i Selvågane. Grågåsa derimot, har berre vore innom Gloppen under trekket vår og haust. I år har 3 grågås vore uvanleg lenge i Bukta – området. Kunne det bli hekking i år?

Som de ser av bilda, er horngjel ein lang slank fisk. Denne fisken kom rektor Olav Søreide med ein gong våren 2009. Elevane i 8A studerte fisken, dissekerte han og tok bilde. Sjølv om vi gløymde å måle lengda på fisken, kunne vi med hjelp av matematikk og målestokk, finne ut at denne horngjelen målte 84 cm.