7. aug. 1918 vart Ålfot Interkommunale Kraftselskap stifta. Selskapet skulle drive med kraftutbygging og fekk overført fallrettane til fossefalla i Yksenelvane og Åskora og eigedomar i Ålfoten frå fylket.
På garden Sande, blant gamle, ærverdige villaer ligg eit stort, kvitmåla hus. Dette var tidlegare Balestrand Gamleheim som opna i 1920. Før den tid hadde det vore vanleg at dei eldre i familien budde i eigne kårhus på gardane. Der vart dei tekne hand om av borna sine, som hadde teke over gardsdrifta. Verre var det med dei eldre som ikkje hadde så mange til å ordne for seg. Desse vart ofte einsame og hadde det vanskeleg både fysisk og psykisk. Då kunne ein gamleheim kome godt med. Fram til 1977 var dette møtestaden mellom gamle og unge i bygda.
Folk som kjem opp på Hyllestad ungdomsskule, vil no undra seg over det flotte bygget som er reist på Kvernhushaugen.Er ikkje dette skuret laga slik ein kan sjå på gamle naust og løer ?
Heilt rett – for her vil vi ta vare på gode tradisjonar og solid byggjekunst samstundes som vi sjølv får litt kjensle av korleis det er å bruke saga og svinge øksa.
I dag er Skor ei fredeleg, lita bygd. Litt aude ligg ho til, men ho er likevel framleis kjent for dei 5 kvernhusa som står i Indre Skor. Over 2000 besøkande frå mange forskjellige land, mest frå Japan og Tyskland, bestemmer seg for å få med seg minne frå kvernhusa i den vesle bygda.
Ute på Sørbøvåg ved Allmeningen, i krysset der du kan ta av mot Dale, ligg det eit ganske så falleferdig og bortgløymd hus på garden Haugen. I det falleferdige huset ligg det fullt av bur og andre ting, ingen vegger, berre bur etter bur bortover. Og to gamle, rotne senger ligg i enden av huset. Kva hus kan dette vere? Jo, les vidare, og du vil få svaret.
Frå sommaren 1991 har det gått føre seg eit omfattande kultiveringsarbeid i heimre delen av Utladalen. Arbeidet omfattar gardane Skåri, Avdal med Hagaberg og Vetti.Samarbeidspartnerar har vore Årdal Turlag, Årdal kommune, Fylkesmannen i Sogn og Fjordane og Naturoppsynet for Jotunheimen Nasjonalpark.
I 1867 eller 1871 gjekk skreda i Holtagjelet. Ho tok med seg vasshjulet og maskinhuset, for vidare på båe sider av gamletuner og heilt til sjøen i Vetleøyri. Stovedøri gjekk full av snø, og dei kom seg ikkje ut.Det gjekk ei ny skrede i Holtagjelet nokre år seinare. No gjekk det verre med tunet på garden. Bustadhuset vart skadd, og løe, fjøs og stall vart rivne bort.