I over 1000-år har Tynningen vore ein viktig ferdselsveg mellom Førde og Jølster. Her har også mange friarar funne sin utkåra på støylen.

Vi har gått i nesten ein time og kan sjå støylshusa eit stykke framfor oss. Naturen rundt oss er vakker, med støylshusa liggjande inn med fjelltoppane. Vi kjenner den oppfriskande fjellufta i lungene.

Det har ikkje vore drift på Flugestøylen på Jølster sidan midten av 1950,-talet men støylen er ikkje gløymd av den grunn. Det er framleis aktivitet der, året rundt. Jølster Ungdomslag arrangerte to år på rad jonsokfeiring på Støylen, og det er naturleg nok ein svært populær stad for turgåarar og naturelskarar.

I dag er det liten aktivitet på Bolsetstølen, men tidligare var det ein vakker støl med mykje liv. Stølsdrifta vart halde i hevd heilt til 1948, og då hadde stølen lege på same plassen i fleire hundre år. På det meste var det fem bruk som nytta Bolsetstølen og så mykje som 25 kyr beita der.