Vasskverni kom til Noreg kring år 1200. Me veit ikkje sikkert når den første kverni i Fresvik blei sett opp, men det blei nesten ein liten revolusjon då ho kom. Å mala korn blei mykje enklare. På dei største kvernane kunne ein mala opp til 100 kilo på eit døger viss kornet var tørka. Dei minste kvernane kunne klare 50 kilo

Ordet brønne betyr å gi dyra vatn.
I Fresvik har det vore to brønne. Det eldste sto i Solali, der vegen frå Solali kjem ned i Storevegen.

Dette er kanskje den einaste løypestrengen i Fresvik som framleis er i bruk og i god stand.

Skard er vårstølen til gardane på Hovssida i Fresvik. Her har alle gardane frå Øyri til Hatlelid hatt stølsrett. Otterhjell skal også ha støla i Skard i eldre tid. Stølen ligg rundt 600moh så det blir seint bue om våren. Beita er heller dårlege med mykje lyng og furuskog.

Snauasete er ein nedlagd støl som ligg vakkert til i eit frodigt område ved Snauasetvatnet

Jordalen har vore sams støl for dei eldre gardane i Fresvik. Denne fjellstølen er delt i to, Øvstedalen og Nedstedalen som ligg 3-4 km frå kvarandre. I fylgje bygdeboka for Leikanger er det mykje truleg at stølane ikkje er likt gamle. Truleg er Nedstedalen eldst, sjølv om denne stølsgrenda ligg lenger frå Fresvik enn Øvstedalen. Nedstedalen ligg ca 100m lægre enn Øvstedalen, så det vart nok noko tidlegare bue her om våren, og det ville vera ein stor fordel i fôr-knappe år. Truleg har difor Nedstedalen først vorte busett, men etter kvart som stølen fyltest opp, har nokre gardar sett opp sel i Øvstedalen og på den måten utnytta beita betre.

Denne stølen blei brukt berre eit par år av Nils Husabø.

Gardane på Hov har hatt særskilde geitestølar. Dei låg slik til at dei ikkje kunne nyttast av kyrne. Orrahaug er vårstøl for Hovsgardane og blei teken i bruk etter at det gjekk ei skrede forbi Tungestølen. Dei var difor redde for at husa skulle bli tekne og flytte så bort på Orrahaug.

Denne stølen ligg 674 moh. Posisjon 32V 0386616, 6771818

Dette er fjellstølen til gardane Simlenes, Svea, Solheim og Grønli. Stølen blei leigd hjå Dyrdal sidan han ligg i Aurland kommune. Den var i bruk til etter 1935.

Kverna på Otterhjell vart bygd rundt 1918, og var i bruk i cirka 30 år, fram til 1945. Ho vart brukt mykje under krigen. Kverna er i dag 90 år gammel. Det var dei to gardane på Otterhjell som eigde kverna.

Monskverna har alltid tilhøyrd Monsgarden, no eig Jardar Bøtun kverna. Tidlegare sto ho på eit område som høyrde til garden. Rundt 1886 var det utskiftning i flatbygda, slik at no eig Monsgarden kverni, men ikkje området rundt.

Dette var ein fjellstøl som høyrde til Dyrdal Otter¬hjell gnr 43 bnr 1 og bnr 3 (Flæte) støla her i 1935. Elles blir det sagt at det var bruk nr 2 på Otterhjell som leigde denne stølen.

Stølen ligg på Øystølshaugen, på høgre sida av vegen ned til Nestedalen, 884 moh.

Jordalen har vore sams støl for dei eldre gardane i Fresvik. Denne fjellstølen er delt i to, Øvstedalen og Nedstedalen som ligg 3-4 km frå kvarandre.

Åva er heimestølen til Flæte og Breilid og vart brukt som vårstøl. Stølen ligg fint til i ei halvbratt li, men for å komma bort til sela må ein kryssa elva. I dag på ei solid bru, men i eldre tid måtte ein nok vassa elva.

Det går ein gammal kløvjeveg ned til Preststølen frå Øvstedalen. I ei lita brekke i kløvjevegen ca 200m før osen av Øvstedalsvatnet og rundt 200m opp frå vatnet ligg det ei seltuft, 893 moh.

Gamlefjøsen var bygt på 1880-talet og riven 1994. Det var spannmjølking i den fjøsen. Nye fjøsen vart bygd i 1982(83)

Hausten kjem, og igjen nærmar det seg tida for at sauene skal heim. I Jordalen er det rundt 1300 sauer frå gardane i Fresvik. Sauene har gått og beita på fjella i heile sommar. Di lenger ut på hausten me kjem, di meir minkar graset, lufta blir kaldare og dagane kortare. Tida er inne for den store sauesankinga i Jordalen.

Fresvik skule omfattar i dag skule, gymnastikksal, barnehage og bibliotek. I tillegg blir skulen brukt til mykje anna. Korps, musikkskule, kunstskule og dametrim er berre nokre av dei aktivitetane som du kan finne på skulen på kveldstid. Skulehuset blei bygd i 1948 og er det eldste skulehuset i kommunen.

Den 9. mai 2007 var elevar i klasse 1sta frå Sygna Vidaregåande Skule på ekskursjon hjå Sognabær DA på Vangsnes. Me skrangla oss innover med ferja og opp langs dei lokale vegane på Vangsnes og endte opp hjå Ola Hopperstad som skulle ta oss med og syne oss bedrifta som han og tre andre eig.

Ein gammal heimestøl til Djupevik. Han ligg mellom "Gruvla" og Vaskegroi, men litt høgare enn Stølshaug, 207 moh.

Denne stølen ligg ca eitt kvarters gange frå Haukastølen. Ein fylgjer eit hjortetrakk opp frå stølen og held så til høgre utover bjørkelia mot Vidhammargjelet. Selet er plassert under Rauneholten heilt ute mot Vidhammargjelet.

Engi ligg 5 km framme i Fresvikdalen, der dalen kløyver seg i Tundalen og Storedalen. Dette var ein vår og hauststøl og truleg den eldste stølsgrenda i Fresvik. Alle bruka i Flatbygda og Tretteteig hadde stølsrett her. Stølen var delt i to grender, Heimrestølen og Fremrestølen. Stølen var den som var lengst i bruk i Fresvik.

Namnet Gilja kjem truleg av det gammalnorske ordet gil, i fleirtal heiter det giljar. Dette ordet tyder gjel eller kløft. Me veit at på den andre sida av Storelvi opp mot Hov heiter det Giljareinene. Altså tyder truleg ordet "veiti som renn gjennom eit gjel eller ei kløft."

Nede ved elva hadde ein i eldre tid mange kvernar, og seinare også vassdrivne slipesteinar. Det var ikkje alle stadar så godt å finne trygge og gode kvernestøe. Tett ved sjølve Storelva var det tryggast å laga kvednaråser.

Sagaraosi var den største og lengste råsa, og var minst 1 km lang. Ho var også ei av dei eldste veitene i Fresvik. Råsi gjekk ut frå elva under skulen og nedover til Sagi (Hauglum) i nokså rett linje. Over Sagagranden vart ho kalla Læveiti. Det kom inn vatn i råsa frå ei oppkome, og dette vatnet fraus ikkje, difor vart ho kalla Læveiti.

Grundelandsveiti (Haugaveiti) gjekk over Grundelandshaugen. Den hadde inntaket sitt i Sagarosi og ho renn til slutt ned i Giljaveiti.