«Den 7.april 1945 var ein vakker vårdag, og inst i Vadheimsfjorden hadde fire tyske fartøy ankra opp. Eit alliert speidarfly oppdaga båtane, og frå basar i Storbritannia vart 21 Beaufighter jagarbombefly, eskortert av Mustang jagarfly, sende mot Vadheim. Ut på ettermiddagen startar angrepet og ein av båtane vert treft av fleire rakettar, og forliser. På Herdla går alarmen, og tyske jagarfly frå 9. Staffel går på vengene. Fire Mustang-fly ligg som sikring i ytre deler av Sognefjorden, og klokka 16.40 oppstår det over området Hyllestad-Lavikdal ein luftkamp mellom allierte Mustang og tyske Focke Wulf jagarfly.»

Sentrum IL vart skipa 4. februar 1950. Det gjekk heile 25 år før laget hadde idrettsanlegg dei kunne nytta. I mellomtida måtte utøvarane greie seg med dei arenaer som fanst i naturen: skog, myrar, sletter og toppar til o-laup, terrenglaup, terrengstafettar og skiløyper. Toppar til fjelltrim, vatn og sjø til symjing og skeiselaup.

Før i tida, seier ofte dei eldre, før i tida då var alt så mykje betre eller så borti veggene gale. Her har vi funne ein kopi av ei side frå avisa Firda, og reportasjen er frå vinteren 1953. Utruleg, men sant !

Midt på nittitalet gav ei elevgruppe ved Hyllestad skule ut ei avis dei kalla Gygrekjeften. 8. mai 1995 kom det ut eit jubileumsnummer med tema: 50 år med fred.
På dei 60 sidene kan vi finne mykje lokalstoff frå siste verdskrig nedskrive av ungdomsskuleelevar i hovudsak ved hjelp av munnlege kjelder som slekt og kjenningar i nærmiljøet.