Tredreparar (Cossidae)
Tredreparane er ein familie av middels store til svært store sommarfuglar. Larvane utviklar seg i veden på levande busker eller tre. Roger og Olav i 9. klasse ved Gloppen ungdomsskule, fann denne store larven på ca 10 cm her ein dag.

Stillits, eller på latin, Carduelis carduelis er ein fugl i finkfamilien. Det er ein stand- og streiffugl. Den er ikkje redd for menneske og kan dermed beundrast på ganske nært hald.
 

Svært mange stader i landet kan ein finne bikuber, og sjølvsagt, ein heil masse med bier i og rundt dei. Biene er ikkje berre attraktive for at vi skal kunne skaffe honning, men også for bivoks og pollinering av dyrka plantar.

Det er i dei siste vekene blitt observert en liten sel rundt om i Gloppefjorden. Eg kom over han då han låg i snøen på elvebredden i Storelva innerst i Gloppefjorden. Selen var såleis innom Bukta fuglefredingsområde.

Det er stadig nye fuglearter å sjå i Bukta og i Selvågane no i haust. Fredag 7. november vart det observert ei ringgås utanfor Campingplassen i Bukta. Kanskje er dette fyrste observasjonen av denne fuglen, så langt inne i fjordane.Dette er nok ein fugl som er på trekk sørover, og som tykkjer Fuglefredingsområdet er ein grei plass å raste på

I desse dagar (12.10.08) har Gloppen vitjing av fem kortnebbgås som beitar både på Mardal og i Bukta Fuglefredingsområde. Fuglane er sikkert observert andre stader og, men på avstand kan dei likne på grågås.

Ikkje berre grå flugesnappar og raudvingetrast er kjende for å velge rare plassar å legge reiret sitt på. Linerla kan konkurrere med dei; også i Gloppen. Ein dyktig fuglekjennar tipsa meg om denne linerla.

Grå flugesnappar er kjend for å legge reiret sitt på dei merkelegaste stadar. Inne i Jølet ved Nordfjord Folkemuseum har han halde til i mange år, men i år ville han kanskje vise for alle at han var der. Kanskje håpte han og på at traktoren med reiret på, vart køyrt vekk etter kvart som musikken frå Glopperock tiltok i styrke?

I Sogn og Fjordane finn ein få havhestar som hekkar. Likevel kan ein treffe på denne fuglen langs kysten, der han streifar langt etter mat til ungane sine i hekkeperioden.

Storjoen er stor og kraftig. Han er den største av joane. Vekta er mellom 1 og 1,8 kg og lengda er ca 55 cm. Hann og ho er like. Skal du vere sikker på å treffe denne fuglen, er det berre å ta turen til Runde

Våren 2008 oppdaga eg ei stokkand – stor, elegant and i strandsona på Naustdal i Eid kommune. Den lange stjerten og dei markerte fargane stadfesta at det var ein sjeldan gjest som heiter stjertand. Det var ein einsleg hann som kanskje var på trekk aust- eller nordover. Har ikkje høyrt om hekking av denne anda i Sogn og Fjordane, men kven veit? Kanskje finn stjertanda seg eit vatn i vierregionen i vårt fylke og, som ho likar og brukar som sin hekkeplass.

Skogsnipa er ikkje vanleg i Sogn og Fjordane. Fyrste dagen i mai 2008 var eit eksemplar av arten innom Lærdal. Såg denne sky vesle snipa på 24 cm ute på Grandane. Ho held seg som regel ved ferskvatn, men av og til på strendene ved sjøen.

Alt i februar får denne buska blomar på bar kvist. Både blomst og bær er giftige; ja heile planten er faktisk giftig. Blomane lyser opp i ein heller grå hage om våren, og dei knall raude bæra om hausten friskar og opp i hagen. Fuglane tåler gifta i bæra og dei sprer bæra rundt i naturen, så ein kan finne tysbast utan for hagane og.

I Norge er grønnstilken knytta til bjørke- og vier-regionen i innlandet. Fuglen manglar i ytre strøk. I august 2007 vart han observert ved Kvevatnet i Lærdal. Globalt går arten sterkt tilbake i Danmark og fuglen er heilt borte frå Nederland og Polen. Den 10. mai 2011 vart det observert eit grønnstilkpar i Selvågane ved Sandane i Gloppen. Sigurd Eide og Vegard Hauge Haaland 10 A oppdaga den sjeldne vadaren. Svein Hjelmeset var medobservatør.

Dvergdykkar er og ein sjeldan gjest. Fuglen er sky, så ser han deg, dukkar han og blir borte. Siste åra har eit par overvintra innerst i Gloppefjorden.

Ein finn ikkje gluttsnipe registrert på artslista til Sogn og Fjordane. Det er såleis ein sjelden fugl i vårt fylke. Femte august 2007 vart fuglen observert på Mardal i Gloppen. Fuglen var nok på trekk sørover.

I Sogn og Fjordane er skogstorkenebb den vanlegaste av storkenebblomstrane. Stankstorkenebb er og lett å finne. Engstorkenebb og tranehals er greie å finne i indre Sogn feks i Lærdal. Glattstorkenebb har eg funne berre ein gong i austenden av Breimsvatnet- i Førs.

Kvitkinngås hekkar langt mot nord og trekkjer sørover om hausten. I Gloppen har det i desse dagar vore eit eksemplar av denne fuglen på Mardal. Ola Johannes Mardal observerte fuglen, og såg med ein gong at det var ei ny art for vårt område. Denne gåsa er litt mindre enn den meir kjende kanadagåsa som hekkar i Gloppen. Storleiken og dei kvite kjakane til kvitkinngåsa gjer dei ulike.

Ein finn kanskje ikkje stålorm i Sogn og Fjordane, men elles i Norge finn du han på Aust-og Sørlandet. Skulle han dukke opp i vårt fylke, er det greit å kjenne til han.

Raudrev er det mest vanlege rovdyret i reveslekta. Utanom dei nordiske landa finn du han over større delar av Nord-Amerika, og litt i Afrika. Han finst i Australia og, men ikkje naturleg. I Norge er det skrive og fortalt mange historier om den slu reven, som til og med har lurt bamse brakar til å drive isfiske med halen. Etter denne episoden har bjørnen hatt kort hale.

Her i Gloppen er framleis vipa eit sikkert vårteikn, sjølv om vipeflokkane som trekkjer hit stadig er blitt mindre. Ja, vipa er nok ei truga art. Kanskje kan andre slektningar av vipa, for eksempel sporevipa, dukke opp ein gong her i vårt nærmiljø? Her vil du få vite litt meir om den fuglen, både i bilde og ord.
 

Isfugl vert av og til observert på Austlandet. Her på våre kantar er kanskje ikkje denne fuglen registrert enno, men etter kvart som klimaet endrar seg, kan ein vere på utkikk etter nye arter. I sommar vart han forresten observert i Lærdal. Fuglen er sky, så det er ikkje så godt å kome innpå han. Bilda du får sjå her, er tekne i Izmirområdet i Tyrkia.
 

Symjesnipa er den einaste av snipene som sym. Ho ligg høgt i vatnet og flyt som ein kork. Hoa er også alltid meir fargerik enn hannen. Det er gjort få observasjonar av denne fuglen i Sogn og Fjordane. Desse bilda er tekne på Filefjell, så ho er nok innom fylket.

Hubro er den største av uglene våre, og hofuglen er størst. Har kråkene ei anledning, så plagar dei hubroen. Fuglen er spraglete i brunt. Hekkar fåtallig nord til Troms. Hubroen er i 2008 utpeika til årets fugl.

Bergirisk fann eg reir av midt på -70 talet i omlag same området som eg såg fuglen i år. Då er det ikkje berre sjeldne blomster ein kan finne på Svarthammaren, men også spennande fuglar. På fugler.net har det vore stor diskusjon om kva slag fugl dette var.

Ikkje heilt vanleg gjest i Gloppen. Seint søndag kveld fekk eg melding om ei spesiell gås som var observert i på Nordstranda. Det var relativt greit å finne fuglen, som spankulerte på elvekanten ved SFE i Bukta fuglefredingsområde.

Dette er ein måse som det er heller lite av. Dei få som er att, held seg ute ved kysten. Ved Grotlesanden i Bremanger hekkar denne måsen.

Rugda er ca 37 cm stor og hann og ho er like av utsjånad. Ein fugl du som regel ser på avstand. Om våren har denne fuglen eit karakteristisk kveldstrekk, der han systematisk trekkjer fram og tilbake langs ein åskam og sender ut sine spesielle lydar.

Fjellerka er ikkje av dei vanlegaste fuglane du kan treffe. Fuglen hekkar i høgfjellet.

Skjora er svært interessert i ting som blenkjer, så mange har funne att sølvskeier og liknande oppe i skjorareir. Denne historia går på det same, men sett i system. Skulle tru ho hadde gått på bygg og anlegg…. minst grunnkurs.

Furukorsnebb – som også held til i Sandaneområdet-er ein hardfør fugl som legg egga sine i januar/februar, midt på kldaste vinteren. Dette for å ha mogne konglefrø til ungane sine. Ein del bønder har nok fellt eit eller fleire grantre med korsnebbreier i, utan å skjøne så mykje når mor eller far har klaga si nød over eit øydelagt reir midtvinters. Kven tekjer på hekking på den årstida?

Her på Vestlandet er grønspett og flaggspett dei vanlegaste spettene. I tillegg har vi gråspett som liknar grønspett. Vi har og kvitryggspett som liknar flaggspett.