Grønlandsmåke (Larus glaucoides)
Grønlandsmåke
På skotårsdagen 29.februar 2012 vart det for fyrste gong i Gloppen observert grønlandsmåke, til og med to stykke, i Bukta Fuglefredingsområde. Ser ut for at det er til dels mange nye arter som er innom kommunen denne vinteren.
Utbreiing
Grønlandsmåka hekkar i det arktiske Canada og Grønland. Ho er trekkfugl som overvintrar i dei nordlegaste statane i det austre USA og på dei britiske øyane. Ser at det er rapportert inn ein del overvintrande grønlandsmåker langs norskekysten også denne vinteren.
Utsjånad
50-66 centimeter lang, vingespenn på 115-140 centimeter og vekta er mellom 820-1100 gram. Ho ser ut som ei lita og ekstra lys gråmåke, men utan svarte vingespissar. Ho er mindre enn ei polarmåke som ho kan forvekslast med.
Hekking
Grønlandsmåka hekkar i koloniar eller åleine ved kysten. Ho legg reiret på bakken. Vanligvis legge ho 2-3 egg.
Grønlandsmåke (Larus glaucoides) av Svein Jan Hjelmeset er lisensiert under ein Creative Commons Namngjeving-Ikkje-kommersiell 4.0 internasjonal lisens.