Historia bak «russarbrakka»
Foto: Kari Lysnecbn
Årdal sogelag fortel historia til brakka
Under krigen var opptil 1200 russiske tvangsutskrivne arbeidarar plassert i store brakkeleirar i Årdal. På Årdalstangen låg leiren i Saltviki.
Plassering i kart
Etter krigen vart leiren nytta som husvære for familiar som flytta til bygda for å ta seg arbeid i industrien. Etter kvart vart brakkene sanert, men i dei siste åra har den siste attståande brakka vorte restaurert av Årdal sogelag. Inne har ein samla møblar og anna inventar som dokumenterer historia til brakkeleiren.
Då me i 7. klasse ved Tangen skule var på vitjing, stilte Årdal sogelag mannsterke opp. Me fekk høyre både om livet i leiren under krigen, og om korleis det var å bu der på 1950-talet. Egil Jørgen, som var ein av guidane våre, hadde sjølv vokse opp i ei av brakkene.
Historia bak «russarbrakka» av Jan Grønsberg er lisensiert under ein Creative Commons Namngjeving-Ikkje-kommersiell 4.0 internasjonal lisens.