Gulatinget
Gulatingsparken på Flolid er 2000 årsstad i Sogn og Fjordane
I vikingtida var Gulatinget ein viktig samlingsstad der lovar og reglar vart til, først munnleg og seinare vart lovane skrivne ned.
Plassering i kart
Gulatingspark på Flolid Det har vore mykje diskusjon om kor det gamle Gulatinget eigentleg har vore i Gulen. Har det vore i Eivindvik eller på Flolid? Men Gulen kommune bestemte seg for å lage ein Gulatingspark på Flolid som vart vald som tusenårstad i Sogn og Fjordane. Her kan bl.a.turistar og skuleklassar få omvising. Bård Breivik er kunstnaren som har laga alle statuane i Gulatingsparken. Området blir i dag brukt til mange ulike arrangement som konsertar, gudsteneste, bryllaup og andre arrangement. Gulatinget og Gulatingslova Gulatingslova er den første nordiske lovboka vi kjenner til. Gulatingslova finst i dag i handskrive versjon frå om lag 1250. Men Gulatinget var mest sannsynleg tingstad allereie tidleg på 900-talet. Gulatinget var til å begynne med eit allting der alle frie bønder hadde rett til å møte opp. Kvart år samla det seg bønder frå heile vestlandet for å drøfte politiske saker, som skattelegging, militære plikter og andre saker. Dei brukte også Gulatinget til å dømme konfliktar og kriminelle handlingar. Nokre år etter vart det bestemt at Gulatinget skulle bli eit lagting som innebar at berre utpeikte bønder frå dei ulike fylka hadde rett til å møte opp. Håkon den gode I Snorresagaen står det at Håkon den gode (935-61) tok aktiv del i tingsamlingane i Gulen. Under hans styre kom Rogaland og kanskje Agder og Sunnmøre under Gulatingaområdet. Seinare kom også Valdres og Hallingdal med. Fleire gonger har det vore framført sogespel om Håkon den Gode i Gulatingsparken. Flytting til Bergen På 1300 tallet vart Gulatinget flytta til Bergen og vart no kalla Gulating lagmannsrett. Det gamle Gulatinget i Gulen er viktig historisk , og det fortel om utviklinga mot det moderne demokratiet.
Gulatinget av Kurt Helge Pedersen er lisensiert under ein Creative Commons Namngjeving-Ikkje-kommersiell 4.0 internasjonal lisens.