Fjellskrinneblom Arabis alpina Alpine rockcress
Dette er ein heller vanleg fjellplante som vi og finn både i Gloppen og andre stader i Sogn og Fjordane. Ein variant av fjellskrinneblom har nok mange i steinbedet sitt. Den foredla sorten kan ein få i andre fargar enn kvitt og.
Plassering i kart
Utsjånad
Planten er 10-20 cm høg og blomstrar i juni-juli. Kronblada er kritt-kvite. Blada og stengelen er litt hårete, men av og til kan ein finne ein snau (hårlaus) plante (glabrata). Ein kan kjenne ein svak fiollukt av blamstrane. Etter blomstring kjem det 3 cm lange, utståande og oppretta skulper.
Veksestad
Veks på grusete og steinete snøleier, der det gjerne er rennande vatn. I bekkefar finn du planten, men også på berghyller, då gjerne på nordvende fjellsider. Fjellskrinneblom veks høgt til fjels og du finn han sørover i Europa. Trivst og i kalde karrige støk som Grønland, Nordaust- Canada og artisk Sibir.
-
-
Fjellskrinneblom Foto: Svein Hjelmesetall-rights-reserved
Fjellskrinneblom Arabis alpina Alpine rockcress av Svein Jan Hjelmeset er lisensiert under ein Creative Commons Namngjeving-Ikkje-kommersiell 4.0 internasjonal lisens.