Nye postkasser
Det står alltid nokon bak all organisert turgåing!
Angedalen skule samarbeider med idrettslaget om produksjon av nye postkasser til Fjelltrimmen 2004
Plassering i kart
I fjella som omkransar Angedalen vert det kvart år sett opp fram mot 20 fjelltrimpostar. I samband med at Angedalen skule er med i Fjellatlasprosjektet, vart elevbedrifta Stadnamnkaféen engasjerte i produksjon av 18 nye postkasser. Våren 2004 stod dei ferdige etter mykje planlegging og hardt arbeid. Ein laurdag i mai var mange av elevane med på å setje dei ut.
Eit gjevande samarbeid for alle samarbeidspartar! Bedrifta tente gode pengar, elevane fekk god øving med skrutrekkar og malarpensel, Angedalsgruppa fekk gode postkasser og unge, engasjerte turgåarar medan Fjellatlasnamnet vart gjort kjent i bygda og lokalpressa.
Nye postkasser av Reidar Eide er lisensiert under ein Creative Commons Namngjeving-Ikkje-kommersiell 4.0 internasjonal lisens.