Hyllestad gamle kyrkjegard
Grunnmuren til gamlekyrkja
I Hyllestad har vi 3 kyrkjer, 1 kapell og 3 kyrkjegardar i bruk.I tillegg har ein Hyllestad gamle kyrkjegard. Siste gravferd til den gamle kyrkjegarden var i 1881. I tida etter vart denne kyrkjegarden lite medvyrdsla.
Plassering i kart
Steinkrossar
I 1935 vart eit større vølingsarbeid i Jonas Sørefjord sin regi fullført. Mellom anna sette ein opp dei gamle steinkrossane. Der er 3 krossar som er hogde i granatglimmerskiferberget i Hyllestad. Denne bergarten har gitt materiale til dei store steinkrossane på Vestlandet i den fyrste kristne tid i Norge. Steinen i Korssundet er såleis hoggen i Hyllestad.
Vedlikehald
Etter 1935 vart den gamle kyrkjegarden på Hyllestad stadig mindre vedlikehalden- til kommunen fekk i gang eit vølingsarbeid i 1984. Kyrkjegarden er nå i bra stand, og er med på kommunen sin vedlikehaldsplan. Kyrkjegarden er vel verdt ei vitjing.
Hyllestad gamle kyrkjegard av solbjørg_huseklepp er lisensiert under ein Creative Commons Namngjeving-Ikkje-kommersiell 4.0 internasjonal lisens.