Kraftverk på Sørstranda

Foto: Kjesrti Rausetall-rights-reserved

Kraftverkhuset er kledd med villmarkspanel, og til våren kjem det torv på taket.

Plassering i kart

1280 meter røyr er no gravne ned, og leiar vatnet ned til kraftstasjonen. Hovudinntaket til vatnet ligg i elva Kvitefella. Det er laga ein demning, der mesteparten av vatnet frå elva renn inn. Det er også lagt røyr til Daufosselva, for å for å få meir stabil produksjon. Vatnet i røyra har ei fallhøgde på 210 meter ned til kraftstasjonen, der han blir pressa gjennom regulerbare dyser, og treffer eit vasshjul. Over vasshjulet står ein generatoren som formar om rørsla i hjulet til straum.
Kraftverket har ei slukeevne på 0,77 m3/s når det går for fullt, og det er mogleg å utnytte heile 67% av vassmengda i elvane.
Vassføringa i elva endrar seg heile tida, og for å oppnå størt mogeleg produksjon, blir kraftverket regulert i forhold til vassmengda i dammen. Turbinen blir styrt automatisk i forhold til vatnet ved inntaket. Produksjonen er datastyrt, og vert det feil i produksjonen, får ein melding om det på mobiltelefon.

Forventa produksjon, er ca 6 GWh kvart år. Dette tilsvarar forbruket til ca. 300 husstandar.

Røyrgata er nedgravne heile vegen, og når det blir pussa opp til våren, vil det berre vere inntaksdammane som viser i terrenget.

Kraftverk på Sørstranda av Svein Jan Hjelmeset er lisensiert under ein Creative Commons Namngjeving-Ikkje-kommersiell 4.0 internasjonal lisens.