Skåri
Infosenteret i Skåri. September 2003. Foto: Petter Arnt Løvdahl
Skåri var opprinneleg ein husmannsplass under Hestetun, men vart sjølveigarbruk frå 1861. I dag er plassen infosenter for Utladalen og Jotunheimen.
Plassering i kart
Skåri ligg i Utladalen om lag 7km frå Øvre Årdal, ved innfallsporten til Utladalen Landskapsvernområde og Jotunheimen Nasjonalpark.
Historikk
Frå gamalt av var Skåri husmannsplass under Hestetun. Plassen blei sjølveigarbruk då Olav Nilsson Holseter kjøpte det i 1861. Den siste brukaren i Skåri var Håkon Skår, som slutta med gardsdrift i 1970-åra.
I dag
I samband med skjøtselsarbeidet i Avdalen i 90-åra kom tanken om å restaurera husa i Skåri opp. Idedugnader og ein skjøtselsplan for Heimre Utladalen resulterte i at Stiftinga Utladalen Naturhus såg dagens lys. Dette er eit informasjonssenter for Utladalen Landskapsvernområde og Jotunheimen Nasjonalpark. Infosenteret vart offisielt opna i mai 1998 av Fylkesmannen.
-
- Infosenteret i Skåri. September 2003. Foto: Petter Arnt Løvdahl
-
- Vinter under Skåri. Foto: Petter Arnt Løvdahl. Mars 2003
-
- Konsert med gruppa «Utla» under opningsseremonien i mai 1998. Foto: Petter Arnt Løvdahl
Skåri av aardal er lisensiert under ein Creative Commons Namngjeving-Ikkje-kommersiell 4.0 internasjonal lisens.