Ærfugl (Somateria mollissima) Eder
Ærfugl hann
Siste åra har det auka på med ærfugl i Gloppen. Det er registrert mange ærfuglpar som hekkar på Måseholmen i Selvågane.
Plassering i kart
Ærfugl
Den største dykkanda i landet. Ca. 63 cm. Hovudet er tilspissa, og kan vere eit godt kjenneteikn på lang avstand. Hanfuglen er den einaste anda med kvit rygg og svart buk. Hoa er brun med tverrstriper i svart langs heile kroppen, bortsett frå hovud og hals. Rugar langs heile norskekysten, men er mest talrik frå Trøndelag og nordover. Held seg helst i ytre kyststrøk.
Hekking
Gøymer reiret mellom lyng, strå, tang og dun. Legg 3-6 grågrøne egg i mai-juni, kanskje så seint som i juli. Hoa ruger i 27 eller 28 dagar, og et lite eller ingenting i denne perioden. Ungane blir flygedyktige 65-75 dagar gamle. Er ein utmerka dykkar, og lever stort sett av blautdyr, særleg blåskjell. Et også krepsdyr, pigghuder og litt fisk. Overvintrar oftast i Noreg, men kan trekkje sør til kysten av Danmark. Om vinteren får Trøndelag vitjing av ærfugl frå andre land i aust.
-
-
Ærfugl hann
Foto: Svein Hjelmesetall-rights-reserved
-
-
Ærfuglen har fora reiret med den finaste dun og lagt egga sine.
Foto: Svein Hjelmesetall-rights-reserved
-
-
Rugande ærfugl juni 2003 Foto: Svein Hjelmesetcbn
-
-
Ventar på å starte egglegging og ruging. Foto: Svein Hjelmesetall-rights-reserved
Ærfugl (Somateria mollissima) Eder av Svein Jan Hjelmeset er lisensiert under ein Creative Commons Namngjeving-Ikkje-kommersiell 4.0 internasjonal lisens.